Halmashauri zote za wilaya mkoani TABORA zimeagizwa kutumia wanachuo wa chuo cha Ardhi katika kupima viwanja kutokana na kuwepo na upungufu wa watumishi wa idara ya Ardhi katika halmashauri hizo.

Agizo hilo limetolewa na Naibu Waziri wa Ardhi, Nyumba na Maendeleo ya Makazi,Daktari ANGELINA MABULA wakati akizungumza na watumishi wa chuo cha Ardhi na viongozi wa Halmashauri ya Manispaa ya TABORA.

Amesema kuna tatizo la watumishi katika sekta ya ardhi lakini halmashauri zimekuwa zikishindwa kuw tumia wataalamu wa chuo cha Ardhi TABORA jambo ambalo lingepunguza tatizo lililopo la upimaji ardhi.

Kwa upande wake,Mkuu wa chuo cha Ardhi TABORA,BISEKO MUSIBA amesema wanachuo wengi wamekuwa wakishindwa kufanya kazi zao kwa ufanisI wanapokwenda kwenye mazoezi kutokana na vifaa kuwa na bei kubwa na kusababisha wshindwe kumudu gharama hizo.

Naye mkuu wa wilaya ya TABORA,Mwalimu QEEN MLOZI amesema maagizo ya Naibu Waziri huyo wa Ardhi,Nyumba na Maendeleo ya Makazi atayafanyia kazi ikiwa ni pamoja na kuelekeza idara ya ardhi kuwatumia wanachuo hao wenye utaalam katika sekta ya upimaji viwanja.

Naibu Waziri wa Ardhi,Nyumba na Maelendeleo ya Makazi amesema wizara itakapotangaza nafas za kazi wanachuo wataajiriwa kutokana na uzoefu walionao katika sekta hiyo.